Policia e Kosovës ka njoftuar se ka arrestuar të enjten një të dyshuar për vjedhje në një xhami në Suharekë të mërkurën.
I dyshuari A.T. 31-vjeçar raportohet se ishte futur brenda xhamisë dhe kishte vjedhur 500 euro.
Ai është dërguar në paraburgim për 48 orë.
“Më datë 16/11/2023 është raportuar për një rast ‘vjedhje e rëndë’, rasti ka ndodhur në rrugën ‘Brigada 123’ në Suharekë. Ankuesi i rastit ka raportuar se persona të panjohur, gjatë natës, kanë thyer tre xhama të dritareve dhe dy xhama të derës së hyrjes së xhamisë në adresën e lartpërmendur në Suharekë. Të njëjtit dyshohej se kanë depërtuar brenda xhamisë dhe nga aty kanë vjedhur një shumë të parave të gatshme, rreth 500 (pesëqind) euro. Policia i është përgjigjur rastit, hetuesit policor të Stacionit Policor të Suharekës, pas një pune operativo hetimore kanë arrit që të identifikojnë, të lokalizojnë dhe të arrestojnë një person të dyshuar për këtë rast. Te i dyshuari (A. T. 31 vjeçar nga Shiroka e Suharekës) janë gjet edhe dëshmitë, parat e vjedhur në xhami , rreth 500 euro. Mjetet (parat ) e gjetura janë sekuestruar, ndërsa i dyshimti me urdhër të prokurorit kujdestar dërgohet në mbajtje për 48 orë”, thuhet në njoftimin e Policisë.
