Një grua është burgosur sot për gjashtë muaj në Australi për shkelje të rregullave të karantinës gjatë pandemisë.
28-vjeçarja, Asher Faye Vander Sanden, kishte kaluar një muaj në shtetin e Victoria-s, që është nga më të goditurit nga koronavirusi.
Më vonë ajo u lejua të kthehej në qytetin e saj Perth në perëndim të Australisë, ku duhet të niste karantinën prej 14 ditësh në një hotel, me shpenzimet e saj.
Por në vend të kësaj, ajo hyri fshehurazi me një kamion dhe qëndroi në shtëpinë e partnerit të saj, ku dhe më vonë u arrestua.
