Kosova zhvilloi stërvitjen e radhës, në kuadër të përgatitjeve për dy ndeshjet kualifikuese për Euro 2024 të këtij muaji, kundër Rumanisë dhe kundër Bjellorusisë.
Lojtarët që i janë bashkuar ekipit gjatë ditës së sotme kanë stërvitur me intensitet më të ulët dhe të diferencuar nga pjesa tjetër, derisa grupi tjetër ka stërvitur me intensitet të plotë.
Edhe gjatë stërvitjes së sotme lojtarët kanë shfaqur përkushtim maksimal, teksa përzgjedhësi Giresse dhe stafi i tij kanë zbatuar në praktikë disa prej ideve të cilat synojnë t’i aplikojnë në lojën kundër rumunëve.
Të dielën, Dardanët do ta zhvillojnë stërvitjen gjatë paradites prej orës 10:30 në Kampin Nacional në Hajvali.
Kosova ka marr dy pikë nga dy ndeshjet e para me Izraelin dhe Andorrën.
