Në nderim të luftës dhe në kujtim të 23 vjetorit të rënies heroike të Komandant Mujë Krasniqi dhe 40 dëshmorëve tjerë, ish-kryetari i Skenderajt, Bekim Jashari bashkë me asambleistë e bashkëpunëtorë bënë homazhe e nderime në Kompleksin Memorial të Dëshmorëve në Marinë.
“23 vite me parë, në një mëngjes të acartë, Komandanti i Brigadës 113 Mujë Halil Krasniqi, bashkë me 40 bashkëluftëtarë të tij, derisa po sillnin armë nga Shqipëria, në vendin e quajtur “Likenet e Hasit”, në Gorozhup të Pashtrikut, pas një beteje me ushtrinë dhe policinë serbe, ranë heroikisht në mbrojtje të vendit për të mos vdekur kurrë.
Komandanti Mujë Krasniqi ishte nder bashkëluftëtarët e parë të Komandantit Legjendar Adem Jashari, me të cilin qëndruan e punuan gjatë bashkë edhe para daljes publike të UÇK-së, vendosmëria e tij për të luftuar deri në çlirim ishte jashtëzakonisht e madhe.
Lavdi dëshmorëve të kombit”, shkruan Jashari në rrjetin social FB.
