Me urdhër të Gjykatës së Mitrovicës, policia ka nisur bastisjen e lokaleve të Bankës Popullore të Serbisë, dega në Kosovë, dhe Drejtorisë së Thesarit në Leposaviq.
Lajmin e ka konfirmuar zëvendësdrejtori i policisë për veriun, Veton Elshani.
Ai tha se operacioni është pjesë e një hetimi në vazhdim për krime ekonomike, konkretisht për pastrim parash.
“Me urdhëresë të Gjykatës në Mitrovicë, po bastisen lokalet e Bankës Popullore të Serbisë, dega në Kosovë dhe Drejtoria e Thesarit, Ministria e Financave në Leposaviq. Krimet Ekonomike janë duke hetuar një rast të pastrimit të parave që ka pasur lidhje me bankat më herët,” tha Elshani.
Hetimet për këtë rast janë në vazhdim, dhe më shumë detaje priten të dalin nga autoritetet përgjegjëse
