Bashkim Mustafa, kandidati i Partisë Demokratike të Kosovës (PDK) për deputet në zgjedhjet e ardhshme, ka zhvilluar një sërë takimesh me të rinjtë, duke theksuar rëndësinë e angazhimit të tyre në politikë dhe inovacion.
Në një postim në rrjetet sociale, Mustafa shprehet: “Takimet me rininë gjithmonë janë mbresëlënëse, ku mes tjerash bisedat me ta sjellin ide dhe kreativitet.” Ai thekson se programi i PDK-së, nën udhëheqjen e kryeministrit të ardhshëm Bedri Hamza, ofron mbështetje të veçantë për të rinjtë, sidomos në fusha inovative dhe zhvillimin e ideve të reja.
Një nga pikat kyçe të programit të PDK-së për të rinjtë është krijimi i një fondi bursash për studentë me një vlerë prej 25 milionë eurosh, duke synuar përkrahjen e studentëve në zhvillimin e aftësive dhe përparimin akademik.
Duke shprehur besimin e tij në vizionin e Bedri Hamzës dhe angazhimin e tij për rininë, Mustafa i fton qytetarët të mbështesin PDK-në me qëllim ndërtimin e një të ardhme më të mirë.
#bedrihamzakryeministër #bashkimmustafa94 #PDK131 #MaMirë
