Presidentja e Kosovës, Vjosa Osmani, tha se Komisioni i Përhershëm drejtues i Asamblesë Parlamentare të NATO-s ka marrë sot vendim thelbësor për të përmirësuar statusin e Kosovës në këtë organizatë.
Osmani, në një postim në platformën X, kjo do të mundësojë që zëri i popullit më pro NATO-s në botë të dëgjohet.
“Komisioni i Përhershëm i NATO-s ka marrë një vendim thelbësor për të përmirësuar statusin e Kosovës në Asamblenë Parlamentare si anëtar i asociuar. Kjo do të mundësojë që zëri i njerëzve më pro NATO-s në botë të dëgjohet, ndërsa ne vazhdojmë të bëjmë hapa drejt anëtarësimit të plotë”.
Kryesuesi i Delegacionit të Kuvendit të Republikës së Kosovës në Asamblenë Parlamentare të NATO-së, Driton Hyseni, ka bërë më dije se Komisioni i Përhershëm drejtues i Asamblesë Parlamentare të NATO-s, i cili po zhvillon punimet në Estoni, sot vendosi që ta ngre statusin e delegacionit të Kuvendit të Republikës së Kosovës në nivelin e anëtarit të asociuar në Asamble.
The Standing Committee of @natopapress has made a pivotal decision to upgrade the status of the ???????? Parliament to that of an associate member.
This will enable the voice of the most pro-NATO people on Earth to be heard, as we continue to make strides toward full membership. pic.twitter.com/eNeKYJKa6L
— Vjosa Osmani (@VjosaOsmaniPRKS) March 24, 2024
