Armend Dallku është vetëm në vitin e dytë si trajner, pasi u pensionua si futbollist aktiv.
Ai e nisi te Prishtina në edicionin 2019/2020, kur Mirel Josa ishte larguar, ndërsa Bylbyl Sokoli e kishte lënë skuadrën në ‘rrugë’.
Aventura si trajner te Prishtina ka qenë e suksesshme për Armend Dallkun, edhe pse nuk arriti ta fitojë titullin ose ta sigurojë Evropën përmes kampionatit.
Por në anën tjetër Dallku arriti ta fitojë Kupën e Kosovës, duke e mposhtur në finale Ballkanin, me rezultat 1-0.
Edhe përkundër këtij suksesi, nuk mjaftoi që Dallku të qëndrojë te Prishtina, duke ia treguar derën.
Por shpejt Armend Dallku me stafin e tij Artan Luzin dhe Agon Ramadanin u angazhuan te Dukagjini.
Trajneri vushtrrias ishte afër një suksese të madh, që të ngiste direkt në Superligë skuadrën e Dukagjinit, por duket se tani do t’i duhet të luajë në barazh.
