Pasi janë zhvilluar zgjedhjet parlamentare në Kosovë dhe pas certifikimit të rezultatit të tyre nga Komisioni Qendror i Zgjedhjeve, Presidentja e Kosovës, Vjosa Osmani, ka paralajmëruar se më 15 prill 2025 do të mbahet seanca konstituive e Kuvendit të Kosovës.
Pas një periudhe rreth dy muajsh që ka kaluar nga zgjedhjet, ky është hapi i pare që çon në procesin e formimit të institucioneve të reja shtetërore dhe fillimin e punës së Kuvendit të ri.
E lidhur me këtë nënkryetari i AAK-së, Ardian Gjini ka deklaruar se partia e tij do të mbështesë çdo kandidat për kryetar të Kuvendit, të propozuar nga partia fituese.
”Besoj që po, kjo temë as nuk është diskutuar në AAK, me më pyet mua do të votohet kushdo që do të propozohet për kryetar të Kuvendit nga partia fituese”, tha Gjini në RTV21.
Më tutje ai tha se AAK do të lobojë aq sa mundet për ta ndihmuar opozitën për ta formuar një Qeveri.Rtv21/
