Avokati i Popullit, Naim Qelaj, sot është takuar me banorë të fshatit Gremnik të Klinës, të cilët janë duke kundërshtuar ndërtimin e fabrikës së çimentos në fshatin e tyre.
Qelaj tha se arsyeja e vizitës së tij është për të dëgjuar nga afër problemet dhe ankesat e banorëve të këtij
“Unë dua të dëgjoj nga afër problemet tuaja, para se të jap ndonjë përgjigje në lidhje me çështjen” – tha Qelaj.
Njëri nga banorët e fshatit u ankua se Komuna nuk ka dhënë shumë informata rreth ndërtimit të fabrikës, duke thënë se kishte ‘terr informativ’ rreth projektit.
“Kemi qenë në një terr informativ sa i përket informatave, por edhe dëgjimit publik që është mbajtur për këtë fabrikë” – tha njëri nga banorët e fshatit.
Ndërsa një tjetër banor tha se Kushtetuta u garanton atyre pjesëmarrjen në vendimmarrje dhe se banorëve të fshatit duhet t’u takojë 50% e vendimmarrjes.
Pas diskutimit, Avokati i Popullit, Naim Qelaj, bashkë me banorët vizituan vendin ku planifikohet të ndërtohet fabrika e çimentos.
Qytetarë të ndryshëm të Klinës disa herë kanë kundërshtuar ndërtimin e kësaj fabrike të çimentos. Ata kanë iniciuar një peticion kundër saj, të cilin e kanë nënshkruar mijëra qytetarë të Klinës.
