Shtatë persona kanë marrë lëndime trupore pas një aksidenti që ka ndodhur në dalje të Fushë Kosovës.
Zëdhënësi i Policisë, Bajram Krasniqi, ka thënë për Koha.net se në aksident kanë qenë të përfshira tetë vetura.
“Aksidenti ka ndodhur në dalje të Fushë Kosovës drejtimi për Sllatinë në ora 17:25. Në aksident janë përfshirë tetë vetura, si pasojë e aksidentit janë lënduar shtatë persona kanë pësuar lëndime”, ka thënë ai.
18:31Aksident në magjistralen Prishtinë-Pejë
Një aksident ku të përfshira kanë qenë disa automjete përfshirë edhe një autobus, ka ndodhur në magjistralen Prishtinë-Pejë.
Sipas fotografive nga vendi i ngjarjes, shihet të ketë dëme materiale.
Ende nuk dihet nëse ka të lënduar, ndërkaq Policia janë në vendin e ngjarjes. Si pasojë e aksidentit njoftohet se janë shkaktuar kolona automjetesh në këtë magjistrale.
Koha.net është në pritje të përgjigjes së Policisë për të kuptuar detajet e aksidentit
