Dogana e Kosovës përmes një njoftimi në faqen zyrtare në Facebook ka bërë të ditur se e ka larguar nga puna një oficer doganor për faktin se dyshohet për keqpërdorim të detyrës zyrtare, raporton Gazeta Sinjali.
Ashtu siç njofton Dogana keqpërdorimi i detyrës ka ndodhur në pikë kalimin kufitar në Vërmicë, ku i njëjti dyshohet se gjatë ushtrimit të detyrave të punës ka bërë shkelje serioze të kodit të etikës.
“Provat e administruara nga Dogana e Kosovës lidhur me rastin i cili ka ndodhur në pikë kalimin kufitar të Vermicë janë të qarta për vërtetuar se zyrtari doganor gjatë ushtrimit të detyrave të punës ka bërë shkelje serioze të kodit të etikës, e të cilat janë të pa pranueshme për sistemin e standardeve dhe vlerave që përfaqëson Dogana e Kosovës si institucion publik”, shkruan ndër të tjera Dogana në njoftim.
“Njoftim për largim të oficerit doganor nga puna
Prishtinë 2 gusht 2022. Dogana e Kosovës ka marr vendim për largim nga puna të zyrtarit doganor, kundër të cilit egziston dyshimi i bazuar për keqpërdorim të pozitës apo autoritetit zyrtar.
Provat e administruara nga Dogana e Kosovës lidhur me rastin i cili ka ndodhur në pikalimin kufitar të Vermicë janë të qarta për vërtetuar se zyrtari doganor gjatë ushtrimit të detyrave të punës ka bërë shkelje serioze të kodit të etikës, e të cilat janë të pa pranueshme për sistemin e standardeve dhe vlerave që përfaqëson Dogana e Kosovës si institucion publik.
Dogana e Kosovës është e përkushtuar që të mos lejoj asnjë shkelje të procedurave dhe të gjithë zyrtarët tonë të jenë në nivelin më të lartë të detyrës.
Dogana e Kosovës fton qytetarët të njoftojnë secilin rast të sjelljes jo etike të zyrtarëve doganor në numrin e telefonit 080050095. Dogana e Kosovës rishtazi ka lansuar aplikacionin e Dogana për pajisjet e mençura android, i cili mundëson lajmërim të parregullsive dhe sjelljeve jo profesionale me komunikim të sigurt dhe gjithashtu ofron shërbime tjera, qe synojmë ti zgjerojmë ne te ardhmen, me qëllim të shërbimit të qytetarëve dhe komunitetit të prodhuesve dhe tregtisë në përgjithësi”, thuhet në njoftim.
