Aktualisht, në Spitalin e Përgjithshëm të Pejës janë duke u trajtuar 71 pacientë me COVID-19, ndërsa 54 pacientë janë në oksigjeno terapi dhe nga këta 11 pacientë janë në gjendje më të rëndë, e katër pacientë janë në respirator (CPAP).
Sipas njoftimit, për 24 orë janë shëruar tre pacientë nga COVID-19.
“Janë 71 pacientë, duke u trajtuar me COVID-19. Sa i përket gjendjes së pacientëve: 54 pacientë janë në oksigjeno terapi ndërsa nga këta 11 pacientë janë në gjendje më të rëndë dhe katër pacientë janë në respirator (CPAP), ndërsa tre pacientë janë shëruar”, thuhet në njoftim.
Siç thuhet në njoftim, gjatë 24 orëve të fundit në Spitalin e Përgjithshëm në Pejë, 221 pacientë kanë marrë trajtim emergjent shëndetësorë, dhe nga këta 20 pacientë janë shtrirë për trajtim të mëtutjeshëm.
“Dy lindje kanë qenë gjatë ditës së djeshme në Spitalin e Përgjithshëm në Pejë, një normale dhe një me prerje cezariane. Kanë lindur dy foshnje të dytë të gjinisë mashkullore. 259 pacientë kanë kryer analiza, që në total kanë bërë 3,997 analiza ndërsa janë kryer nëntë operacione”, thuhet në njoftim.
