Kryetari i Komunës së Pejës, Gazmend Muhaxheri përmes një statusi në rrjetin e tij social Facebook, ka njoftuar për projektin e tij të fundit, që ka të bëjë me rregullimin e ndriçimit të disa lagjeve në qytetin e Pejës.
“Peja vetëm po shkon duke u ndriçuar. Tani edhe rruga “Zhujë Selmani” në lagjen “Kristali” është bërë me ndriçim kualitativ, i cili gjatë natës duket si ditë, me mirëmbajtje të lirë dhe rryma do të shpenzohet më pak”, ka shkruar Muhaxheri.
