Pavarësisht se vendi dhe thuajse gjithë bota po përballen me situatën e krijuar nga pandemia COVID-19, kjo gjë duket s s’po i bën aspak përshtypje presidentit Hashim Thaçi.
Ai bashkë me Sami Lushtakun e shumë bashkëluftëtarë të UÇK-së kanë qëndruar sonte në Rezallë, madje pa distancë e pa maska,
Thaçi tha se bashkëluftëtari i tij nga Rezalla, Hajrë Gashi e ka ndërtuar topin e parë në mënyrë artizanale gjatë luftës, se ai dhe djemtë e tij e gjithë Drenica kanë dhënë kontribut në luftën çlirimtare.
Ditë më parë Thaçi tha se patriotizëm tani është të luftojmë pandeminë, e t’ia shprehim edhe dashurinë e respektin njëri-tjetrit nga largësia.
Postimi i plotë:
Sonte, në familjen e bashkëluftëtarit të orëve të para të UÇK-së, Hajrë Gashi, në Rezallë. Hajra e ka ndërtuar topin e parë në mënyrë artizanale gjatë luftës, që ne e quanim “Topi i Rezallës”. Ai, djemtë e tij dhe gjithë Drenica, kanë dhënë kontribut të madh në luftën tonë çlirimtare! HTH
