Një gjendje aspak e lehtë për t’u përballuar është shkaktuar së fundi në vend si pasojë e pandemisë COVID-19.
Vetëm mbrëmë i konfirmuan 214 raste të reja të prekur me këtë virus. Nga 4 mijë e 100 të infektuar në vend, por qytetarë aktiv me këtë virus janë 1 mijë e 951.
4 persona të tjerë humbën jetën në 24 orëshin e fundit në vend, duke quar kështu numrin e viktimave në 86 gjithsej, raporton Indeksonline.
Nga shumë persona të cilët u prekën me këtë pandemi, janë shëruar gjithsej 2 mijë e 63 raste.
Kosova vazhdon të përballet me pandeminë COVID-19, teksa së fundi autoritete përgjegjëse vendosen edhe disa masa të reja në mënyrë që të parandalohet përhapja edhe më e madhe e këtij virusi.
Nga Instituti i Shëndetësisë Publike të Kosovës kanë porositur përsëri qytetarët që të ruajnë veten, të afërmit dhe të tjerët duke mbajtur distancën, të vendosin maskën dhe të mbajnë higjienën.
Njoftimi i IKSHPK-së:
Të nderuar qytetarë!
Virusi është kudo! Ju lutemi pëmbajuni rekomandimeve! Virusi vret!
Zbatimin e rekomandimeve të Institutit Kombëtar dhe Ministrisë së Shëndetësisë duhet ta bëjë çdo qytetar i Republikës së Kosovës, që të ruajë veten, të afërmit dhe të tjerët.
BARTJA E MASKAVE MBETET OBLIGATIVE!
Apelojmë te qytetarët, bizneset, gastronomia, që në mënyrë strikte të respektojnë distancën fizike, përdorimin e maskave, dezinfektimin dhe ajrosjen e lokaleve, duke pamundësuar përhapjen eventuale të infeksionit dhe shmangien e përhapjes në hapësirat e mbyllura.
Ne po shkojmë drejt një normaliteti të ri. Ky normalitet i ri paraqet ndërrimin e sjelljeve tona për të mirë, për të mbajtur higjienën, për të mbajtur distancën, për të mbajtur maskën, për të mos përhapur piklat tona të cilat i qesim nga goja çdo ditë, dikush më shumë e dikush më pak, e që rrezikojnë shëndetin e të tjerëve, por në radhë të parë shëndetin e të afërmve, të familjes, të fëmijëve, të farefisit, të komunitetit, dhe pastaj të gjithë qytetarëve.
Inspektoratet sanitare të AUV dhe Inspektoratet komunale bashkë me shtabet komunale duhet patjetër të zbatojnë Ligjin për Inspektoratin dhe Ligjin për parandalimin e sëmundjeve ngjitëse duke u mbështetur në Manualin për luftimin e COVID-19 dhe të merren masa përgjegjësie në çdo rast të mos zbatimit eventual të rekomandimeve të Institutit Kombëtar.
Çdo shkelje e rregullave nga kushdo do të konsiderohet rrezikim i shëndetit dhe jetës së të tjerëve. Nuk ka të drejtë askush të rrezikojë jetën e të afërmve të tyre, të moshuarve dhe personave me sëmundje kronike për shkak të pakujdesit dhe mos zbatimit të rekomandimeve.
Vazhdoni të mbani distancën fizike dhe maskat!
Lani duart me kujdes disa herë në ditë nga 20-30 sekonda!
Lehtësimi i masave është bërë për të na bërë më të përgjegjshëm! Këto masa rekomandohen në çdo vend!
Ruani të moshuarit dhe personat me sëmundje kronike!
Ju lutem të keni kujdes, sepse akoma ekziston rrezik i përhapjes në vendet ku ka grumbullim të madh të njerëzve!
NE PO PUNOJMË PËR JU, ANDAJ NA NDIHMONI PAK QË TË JU NDIHMOJMË SHUMË!
Ju faleminderit për mirëkuptim!
