Rreth orës 09:25 minuta një snajper qëlloi në drejtim të shtëpisë së Ardian Çapjas, duke e lënë atë të plagosur në shpatull.
Ai u qëllua me një snajper mjaft të avancuar, i cili u gjet i djegur në makinën e braktisur të atentatorëve disa minuta pasi tentuan të vrisnin objektivin e tyre.
Abcnews mëson se bëhet fjalë për një snajper, “Sako TRG M10 .338 Lapua Magnum”, 27 mm, prodhuar në Finlandë, i cili njihet botërisht për saktësinë e tij për shenjestrimin e objektivave disa qindra metra larg.
Çapja u qëllua nga 250 metra largësi me një snajper që mund të vrasë deri në 800 metra. Për fatin e tij, plumbi i lëshuar e kapi në shpatull duke i shkaktuar një plagë të madhe. Që prej paradites, ai ndodhet nën kujdesin e mjekëve në spitalin e Traumës.
“Sako TRG M10 .338 Lapua Magnum” 27 mm mund të qëllojë objektivat e tij deri në 800 metra dhe ka “nam” të mirë në botë për saktësinë.
Arma kushton nga 6 500 deri në 10 000 dollar në tregun e rregulluar të armëve, ndërsa mendohet se në tregun e zi ai shkon edhe më tepër.
Vetë kostoja e kësaj arme tregon se atentati ndaj Ardjan Ccapjas është i mirëorganizuar dhe financuar nga personazhe me fuqi financiare.
Snajperi në fjalë peshon mesatarisht 6.5 kilogram. Mbushja bëhet manualisht dhe në karikator mban 9 ose 11 fishekë në varësi të specifikave që kërkon blerësi.
