Kështu është vendosur nga kuvendi komunal në një seancë të mbajtur online.
Kërkesa ka ardhur nga PDK në Klinë dhe është përkrahur edhe nga anëtarët e Kuvendit të Komunës.
PDK në Klinë nëpërmjet një komunikate thotë se prej më shumë se tetë javësh Klina është në izolim prej situatës së rëndë nga coronavirusi.
Njoftimi i deges se PDK-së ne Klinë
Klinë, 16 maj 2020
Zyra për informim
Prej më shumë se tetë javësh Klina është në izolim prej situatës së rëndë nga koronavirusi. Duke bërë që ankthi dhe pasiguria të jenë prezentë në shtëpitë e të gjithëve. Por, COVID-19 nuk është vetëm krizë shëndetësore, është gjithashtu krizë financiare. Janë të shumta në numër familjet që po vuajnë këto dy kriza. Qytetarët e Komunës së Klinës të cilët qëndrojnë të izoluar në shtëpi për shkak të koronavirusit, kërcënohen nga një krizë serioze ekonomike. Kjo situatë së tepërmi ka rënduar familjet në nevojë të dëshmorëve, invalidëve dhe veteranëve të luftës së UÇK-sw, familjet e personave të zhdukur gjatë luftës si dhe një kategor tjetër e cila nuk përfiton nga asnjë lloj skeme sociale. Këto kategori janë ata të cilët janë duke vuajtur së tepërmi pasojat nga COVID-19. Prandaj, edhe vëmendja e PDK-së, Dega në Klinë, kreyatrit, Sokol Bashota, për këto kategori është shumë e madhe. Duke e konsideruar detyrim njerëzor, Kryetari i Degës së PDK-së në Klinë, Sokol Bashota, përmes anëtarëve të PDK-së në Kuvendin e Komunës dhe dy anëtarëve nga subjekte të tjera politike, bëri kërkesë për seancë të jashtëzakonshme të Kuvendit, me një pikë të vetme të Rendit të Ditës: Propozim-vendimin për ndarje dhe transfer të mjeteve në shumën prej 90,000.00 euro, me qëllim të ndihmës ekonomike të familjeve në nevojë.
Kryetari i Degës së PDK-së në Klinë falënderon anëtarët e Kuvendit të Komunës së Klinës për mbështetje të këtij propozimi dhe votimin e tij në seancën e mbajtur “online” me datë 06. 05. 2020. Urojmë dhe shpresojmë që me këtë pako financiare t’ua lehtësojmë sado pak vuajtjen këtyre familjeve të izoluara dhe në pamundësi ekonomike, në Komunë e Klinës.
Kjo iniciativë e PDK-së në Klinë, nuk është e para dhe nuk do të jetë përpjekja e fundit për të qenë pranë qytetarëve.
