Sot rreth orës 18:00 në rrugën “Xheladin Hana” në lagjën Bregu i Diellit në Prishtinë një person ka tentuar të kryej vetëvrasje.
Disa dëshmitarë thonë për Indeksonline se bëhet fjalë për një femër rreth 20 vjeçare, e cila ka kërcyer nga kati i 4-të dhe e njëjta është dërguar më pas drejt Emergjencës.
Por, e njëjta nuk ka arritur t’u mbijetojë plagëve të rënda që ka marrë dhe vdekja e saj është konstatuar nga ekipi mjekësor në QKUK.
Viktima mësohet se është vajza e quajtur me emrin Qellsi Aliu dhe është nga Gjilani.
Rastin në fjalë e ka konfirmuar edhe Policia e Kosovës për Indeksonline.
“Policia ka dalë në lokacion dhe janë duke ndërmarrë të gjitha veprimet e nevojshme për të sqatuar dhe hetuar rrethanat e këtij rasti dhe për detajet e tjera do të njoftoheni pas raportimeve të tjera”, ka thënë Zëdhënësi i Policisë, Daut Hoxha.
