Nën përkujdesjen e kryetarit të Gjakovës, Ardian Gjini organizohet manifestim përkujtimor për nder të 21 vjetorit të rënies heroike të 30 dëshmorëve të kombit të rënë në Bishtazhin, Goden dhe Rogovë të Hasit më 27, 28 dhe 29 janar të vitit 1999. Më 29 janar 2020 në orën 10:00 organizohen homazhe tek “Monumenti i Dëshmorëve” si dhe tubim përkujtimor. Ndërsa në orën 12:00 nën përkujdesjen e kryetarit të Gjakovës, Ardian Gjini dhe organizatave të dala nga lufta e UÇK-së organizohet Akademi përkujtimore në Pallatin e Kulturës “Asim Vokshi” në Gjakovë.
