Lëvizja Vetëvendosje ka dalë fituese në Klinë me 4,825 vota, duke shënuar një rezultat domethënës në zgjedhjet e fundit.
Ky sukses u arrit falë përkushtimit të aktivistëve dhe mbështetjes së madhe nga qytetarët e Klinës, të cilët votuan për ndryshimin dhe vizionin e Vetëvendosjes.
Një falënderim i veçantë i është drejtuar edhe kandidates për deputete, Teuta Mulaj, e cila me angazhimin e saj të palodhshëm ka qenë një zë i fuqishëm i partisë. Po ashtu, mbështetja e Qeverisë Kurti është vlerësuar si një faktor kyç për këtë fitore, përmes investimeve dhe projekteve të saj për zhvillimin e Klinës.
Lëvizja Vetëvendosje ka shprehur mirënjohje të veçantë për mërgatën, e cila, si gjithmonë, ka treguar përkushtim dhe vendosmëri për të ndihmuar në këtë fitore historike.
“Fitorja është përgjegjësi. Rruga jonë vazhdon!” – thuhet në deklaratën e Vetëvendosjes pas shpalljes së rezultateve.
