Kandidati për deputet nga Lidhja Demokratike e Kosovës (LDK), Besim Mulaj, ka reaguar ndaj akuzave për përfshirjen e ambasadorit të Kosovës në Kroaci, Martin Berishaj, në manipulimin e votave të diasporës.
Mulaj e cilëson këtë si një shenjë paniku nga humbja e mundshme e Lëvizjes Vetëvendosje dhe kryeministrit Albin Kurti.
Ai thekson se përpjekjet për të ndikuar në votën e diasporës janë jo vetëm shkelje ligjore, por edhe fyerje për qytetarët që jetojnë jashtë vendit dhe e marrin me seriozitet të drejtën e tyre demokratike. Mulaj bën thirrje për ndryshim të vërtetë dhe u kërkon qytetarëve të mbështesin LDK-në në zgjedhjet e ardhshme.
