Partia Demokratike e Kosovës vazhdon mobilizimin për zgjedhjet e ardhshme, ku Bashkim Mustafa është konfirmuar si kandidat për deputet.
Mustafa u prit me entuziazëm dhe mbështetje të fuqishme nga qytetarët e Vajnikut, Leçinës dhe Çitakut, të cilët përkrahën fuqimisht platformën e PDK-së me Bedri Hamzën si kandidat për kryeministër.
“Pritja madhështore dhe përkrahja e sinqertë që kam marrë nga këto fshatra janë dëshmi e besimit të qytetarëve në vizionin dhe angazhimin tonë,” u shpreh Mustafa.
Sloganet si #BedriHamzaKryeministër, #BashkimMustafa94, dhe #PDK131 janë bërë simbol i fushatës që synon një Kosovë më të mirë. Mbështetësit e PDK-së po punojnë për të përcjellë mesazhin e ndryshimit, duke theksuar se platforma e tyre ofron zgjidhje konkrete për zhvillim ekonomik, arsim dhe mirëqenie sociale.
Fushata po përqendrohet në krijimin e një perspektive më të mirë për qytetarët, duke kërkuar mbështetjen e votuesve për një qeverisje të re dhe të përgjegjshme.
