Kandidati për deputet i PDK-së, Rrahman Rama, ka vazhduar takimet e tij në terren, ku sonte është ndalur në fshatin Reznik për të bashkëbiseduar me nëndegën e këtij komuniteti.
Në një postim në rrjetet sociale, Rama ka shprehur mirënjohje për diskutimet dhe gatishmërinë e banorëve për t’u angazhuar në fuqizimin e fushatës dhe realizimin e vizionit të PDK-së, transmeton Klina.info.
“Diskutimet dhe gatishmëria e të gjithëve për t’u angazhuar më forcuan bindjen se ne mundemi #mamirë,” ka shkruar Rama, duke theksuar rëndësinë e bashkëpunimit për të ndërtuar një të ardhme më të mirë për vendin.
Me moton e tij #Rr7, Rama po vijon të dërgojë mesazhe optimizmi dhe përkushtimi në çdo takim me qytetarët.
