Kandidati i PDK-së për deputet në Kuvendin e Kosovës, Rrahman Rama, po vazhdon fuqishëm angazhimin e tij për t’i dhënë Vushtrrisë dhe Kosovës një zë të fortë në skenën politike.
Takimet e fundit me strukturat lokale në Mihaliq, Shtitaricë dhe Bukosh ishin dëshmi e një përkrahjeje të gjerë dhe të sinqertë nga qytetarët.
Këto takime nuk ishin thjesht formale, por një dialog i hapur, ku dëgjohej zëri i qytetarëve, idetë e tyre dhe shpresat për një të ardhme më të mirë. Energjia dhe përkushtimi që u ndien në këto bashkëbisedime e reflektojnë shpirtin e fortë të komunitetit dhe dëshirën për ndryshim.
“Çdo takim është një burim i ri frymëzimi. Besimi dhe mbështetja e qytetarëve nga çdo kënd i Kosovës na japin forcë për të vazhduar me vizion të qartë dhe përkushtim maksimal,” u shpreh Rama, i cili falënderoi qytetarët për mikpritjen dhe për bashkëpunimin që po ndërtohet hap pas hapi.
Rrahman Rama po dëshmon se fushata e tij nuk është vetëm një garë politike, por një thirrje për bashkim dhe për të punuar së bashku për një Kosovë më të fortë, ku zëri i çdo qytetari ka peshë. Vushtrria po ecën me hapa të sigurt drejt një kapitulli të ri plot shpresë dhe mundësi!
