Mazda u mahnit me konceptin Iconic SP në ekspozitën në Japoni të vitit të kaluar.
Jo thjesht një pamje paraprake për Miatan e ardhshme, por Iconic SP tregon një drejtim të ri përpara për veturat sportive Mazda, ndërkohë që e nderon FD RX-7.
Në një histori të publikuar së fundmi nga Mazda, projektuesi i veturës, Masashi Nakayama, zbulon se kompania në të vërtetë dëshiron ta kthejë këtë koncept në një realitet, përcjell Telegrafi.
“Ky koncept nuk është vetëm një nga ato shfaqje boshe”, tha Nakayama.
“Është projektuar me qëllim të vërtetë për ta kthyer atë në një model prodhimi në një të ardhme jo shumë të largët”, shtoi ai.
Çfarë do të thotë kjo, saktësisht, është e paqartë. Nuk është një konfirmim i plotë se kjo veturë do të arrijë në prodhim. /Telegrafi/
