Shaban Mustafë Kastrati, i njohur si Shaban Polluzha, ishte një udhëheqës ushtarak i Kosovës, aktiv në Drenicë gjatë Luftës së Dytë Botërore. Ai shërbente në xhandarmërinë mbretërore shqiptare dhe ishte komandant i milicisë Vulnetari. Për pak kohë ishte anëtar i Ballit Kombëtar. U vra nga partizanët jugosllavë në moshën 74-vjeçare më 21 shkurt 1945.
Shaban Polluzha ishte një nga komandantët më të njohur të zonës së Drenicës gjatë Luftës së Dytë Botërore. Gjatë Luftës së Dytë Botërore ka qenë edhe komandant i një pjese të frontit në Mal të Zi, Kolashin e Sanxhak, ku është dalluar për organizim dhe strategji.
Pas vdekjes është shpërblyer si “Hero i Kosovës” nga ish-Kryeministri i Kosovës, Hashim Thaçi në vitin 2012.
