60 pacientë me koronavirus janë duke u trajtuar aktualisht në Spitalin e Pejës.
Dy nga këta pacientë, siç është bërë e ditur në një njoftim, janë në gjendje të rëndë dhe me respirator,
Ndërkaq, 15 pacientë prej 41 që po trajtohen me oksigjenoterapi janë në gjendje më të rënduar.
Njoftimi i plotë:
2 Pacientë janë shëruar gjatë 24 orëve të fundit nga Covid-19 në Spitalin e Përgjithshëm në Pejë. Aktualisht po trajtohen 60 pacientë me Covid-19. Sa i përket gjendjes së pacientëve, 2 janë në Respirator, 41 pacientë janë në Oksigjeno terapi dhe nga këta 15 pacientë janë në gjendje më të rëndë.
Nga Personeli i Spitalit aktualisht janë të infektuar 2 Mjek, 4 Infermierë dhe 3 punëtor Shërbimeve Teknike.
Gjatë 24 orëve të fundit në Spitalin e Përgjithshëm në Pejë, 190 pacientë kanë marrë trajtim emergjent shëndetësorë.
20 pacientë janë shtrirë për trajtim të mëtutjeshëm.
3 lindje kanë qenë gjatë 24 orëve të fundit në Spitalin e Përgjithshëm në Pejë, 3 me prerje cezariane. Kanë lindur 3 foshnje të trija të gjinisë femërore.
207 pacientë kanë kryer analiza, që në total kanë bërë 3,277 analiza, ndërsa janë kryer 4 Operacione.
Gjatë 24 orëve të fundit janë kryer 114 shërbime Radiologjike, dhe prej tyre 79 Rëntgena, 23 EHO dhe 11 CT-ja.
