Një 48-vjeçar ka raportuar në Polici se dikush ka tentuar ta vrasë atë mbrëmë rreth orës 20:30 në lagjen e Xhamisë në Drenas,
Menjëherë Policia ka nisur hetimet dhe ka kuptuar se nuk bëhet fjalë për “Vrasje në tentativë” por për “Vetëplagosje aksidentale”.
Të dyshuarit i është gjetur dhe sekuestruar arma e shkrepur në rast, revole e tipit “ZORAKI”-kalibri 7.65 mm dhe pesë fishekë.
Pas kuptimit të rrethanave tjera, në koordinim me prokurorin e shtetit është ri cilësuar rasti nga “Vrasje në Tentativë” në “Mbajtje në pronësi , kontroll ose posedim i paautorizuar i armës”.
Njoftimi i plotë:
Prishtinë, 18 mars 2022 – Mbrëmë rreth orës 20:30, është pranuar informata për një person të plagosur në lagjen e Xhamisë në Drenas, i cili po merrte trajtimin mjekësor në QKUK Prishtinë.
Menjëherë pas informatës policia kishte filluar një hetim lidhur me rastin me qëllim të zbardhjes së rrethanave të ngjarjes.
Që në fazën e hetimit preliminar, hetuesit policor kishin ngritur dyshimet lidhur me versionin e paraqitur, andaj kishin zgjeruar rrethin e veprimeve hetimore të cilat sot rezultuan me zbardhjen e plotë të rrethanave të ngjarjes.
Kësisoj policia ka ngritur versionin e hetimit se;
A. B, mashkull, 48 vjeç, shtetas i Republikës së Kosovës,
në lokalin e tij, me armë zjarri, aksidentalisht kishte plagosur vetveten në këmbën e djathtë. Më pas po i njëjti i ndihmuar edhe nga dy persona të tjerë, ka paraqitur rrethana të rrejshme lidhur me ngjarjen.
Pjesë e veprimeve për zbardhjen e rrethanave të ngjarjes ka qenë edhe gjetja dhe sekuestrimi i armës që dyshohet të jetë arma e shkrepur në rast;
Revole e tipit ZORAKI, kalibri 7.65mm, si dhe,
Pesë copë fishek.
Pas nxjerrjes në pah të rrethanave të reja të ngjarjes, në koordinim me prokurorin e shtetit është ri cilësuar rasti nga “Vrasje në Tentativë” në “Mbajtje në pronësi , kontroll ose posedim i paautorizuar i armës”.
