Instituti Kombëtar i Shëndetësisë Publike njoftoi të mërkurën edhe për 461 raste të reja me koronavirus, duke e çuar numrin e përgjithshëm në 67 mijë e 469,
Nga 15 shkurti, një ditë pas zgjedhjeve që u mbajtën në Kosovë, numri i rasteve u rrit për 2 mijë e 950.
Që nga fillimi i fushatës zgjedhore në Kosovë, por edhe para hapjes zyrtare, vazhdimisht është bërë thirrje për respektim të masave, në mënyrë që të mos rritet numri i rasteve të reja si pasojë e grumbullimit të qindra njerëzve.
Paralajmërim se mund të ketë rritje të numrit të rasteve pas zgjedhjeve në Kosovë, kanë bërë edhe ekspertët shëndetësorë në Kosovë.
Kujtojmë se për shkeljen e masave kundër koronavirusit janë gjobitur të gjitha subjektet politike.
